Lajme -

Turqi, jo më të sëmurë nga jashtë/ Ndalon charter-at spitalorë për kurim nga Covid-19 në spitalet turke

Turqia nuk do të pranojë më të sëmurët me covid19 personat që mbërrin atje me chartera spitalor nga vende të ndryshme përfshi edhe Shqipërinë.

Ky është njoftimi i drejtorisë të aviacionit turk, ku thuhet se sipas urdhrit të ministrisë së shëndetësisë, publikuar paraditen e kësaj të diele, duke nisur nga sot, Turqia ndalon charterat spitalor që sjellin për kurim në spitalet turke, të sëmurët me covid.

Muajt e fundit në Turqi kanë shkuar shumë shqiptarë në mundësi ekonomike për të paguar faturat e kripura që nga shkuarja me charter spitalor e deri tek kurimi

Sipas të dhënave zyrtare të Autoritetit të Aviacionit Civil që prej fillimit të pandemisë e deri më tani kanë udhëtuar 270 chartera të dedikuar për arsye mjekësore.

Sipas të dhënave të klinikave private që bënin të mundur dërgime të pacientëve në Turqi, kostoja totale kapërcente mijëra euro.
Kur pacienti nuk ishte i intubuar duhet të paguante 12 deri 14 mijë euro vetëm për charterin e dedikuar dhe nata për raste të tilla arrin në 1500 euro.
Në total për 14 ditë, që përkon me kohëzgjatjen e trajtimit të Covid-19 fatura arrinte në 35 mijë euro, pa llogaritur këtu koston e kthimit të pacientit në Shqipëri, që mund të kryhet përmes një avioni normal apo sërish me charter.

Burimi:Top Channel

Leave a Reply

Your email address will not be published. Required fields are marked *