Një 28-vjeçar shqiptar, Redon Selamaj, është arrestuar në një “shtëpi bari” në Summerhill Avenue, Newport, ku po kultivonte 195 bimë kanabis me një vlerë të mundshme në treg prej 204,750 £.
Policia e zbuloi plantacionin gjatë një kontrolli në pronë, ku u arrestua Selamaj.
Në gjykatë, Selamaj u shpreh se kishte vepruar nën kërcënim nga individë të tjerë nga Shqipëria, të cilët e kishin kërcënuar se do t’i vrisnin babanë. Ai tha se i kishin thënë se prona ishte nën mbikëqyrje të vazhdueshme me kamera.
“Ata më kanë kërcënuar se do të më vrasin babanë tim. Më thanë se kishte kamera që shikonin pronën në çdo kohë”, u raportua në gjykatë nga 28-vjeçari.
Selamaj u deklarua fajtor për prodhimin e drogës së klasit B dhe u dënua me 30 muaj burgim. Gjykata ia uli dënimin me 10 muaj pasi ai pranoi akuzën.