Sport -

Sulmuesi napoletan infektohet me koronavirus, klubi nuk ia ‘fal’ dhe i bën gati gjobën

I dëmtuar prej thuajse dy muajsh në shpatull, gjatë një ndeshjeje të Nigerisë, sulmuesi i Napolit Victor Osimhen ishte shumë pranë rikthimit në fushë, por tani do t’i duhet të qëndrojë për disa ditë në izolim.

Kjo sepse siç njofton klubi napolitan, Osimhen kishte rezultuar pozitiv në tamponin e kryer së fundi dhe do të vendoset në izolim deri në shërimin e plotë, megjithatë shpresat e Gattusos janë që sulmuesi të jetë gati për ndeshjen e Superkupës së Italisë ndaj Juventusit më 20 janar.

Osimhen ishte në Belgjikë për të kuruar dëmtimin në shpatull, por para rikthimit në Napoli, kaloi një natë në Nigeri, ku mori pjesë në një festë të organizuar për ditëlindjen e tij. Në videot që qarkullojnë në rrjetet sociale shfaqet sulmuesi i Napolit duke festuar mes dhjetëra njerëzve dhe pa asnjë masë mbrojtëse.

Pikërisht kjo ka sjellë edhe acarimin e drejtuesve të Napolit, të cilët pritet t’i ngarkojnë një gjobë “të kripur” sulmuesit nigerian, i cili është blerja më e shtrenjtë në historinë e klubit, por ka kontribuar shumë pak në fushën e lojës.

Leave a Reply

Your email address will not be published. Required fields are marked *