Sa orë keni fjetur natën e fundit? Përgjigjia për këtë pyetje është më e rëndësishme sesa e mendoni.
Gjumi është jetësor për shëndetin dhe mirëqenien tuaj.
Pra nëse nuk plotësoni orët e duhura për gjumë, atëherë kjo do të ndikojë në përqendrimin tuaj, kujtesën, vendimmarrjen, kreativitetin dhe gjendjen shpirtërore.
Efektet e privimit të gjumit në shëndetin tuaj
Ndikon në kujtesën, përqendrimin, gjendjen shpirtërore etj. Pagjumësia mund të çojë në halucinacione, depresion, sjellje impulsive dhe paranojë.
Pagjumësia ju bën më të prekshëm ndaj sëmundjeve, sidomos ndaj sëmundjeve kronike siç janë sëmundjet e zemrës dhe diabeti.
Sistemi i frymëmarrjes
Mund të përkeqësojë sëmundjen kronike të mushkërive dhe të rrisë rrezikun e infeksioneve të frymëmarrjes.
Sistemi i tretjes
Ajo mund të nxisë rritjen e peshës dhe rritjen e nivelit të insulinës. Si rezultat, rrit rrezikun e diabetit të tipit 2 dhe nxit ruajtjen e yndyrës.
Sistemi kardiovaskular
Ndikon në presionin e gjakut, sheqerin në gjak dhe inflamacionin. Gjithashtu, rrit rrezikun e sëmundjeve kardiovaskulare, të sulmeve në zemër dhe goditjeve në tru.
Udhëzime për orët e gjumit
Edhe pse ideja e përgjthshme është se sasia e duhur e gjumit është 8 orë në natë, ajo mund të ndryshojë në varësi të moshës tuaj. Një grup studiuesish të udhëhequr nga profesor Charles Czeisler kanë hulumtuar këtë problem të veçantë.
Ata donin të shihnin sa gjumë mjafton për grupmoshat e ndryshme dhe cilat janë efektet e privimit të gjumit në trupin dhe mendjen e dikujt.
Më vonë, Fondacioni Kombëtar i Gjumit mbështeti këto gjetje:
Grupmosha prej 0 deri në 3 muajsh, ose të sapolindurit – 14 deri në 17 orë
Foshnjat 4 deri në 11 muaj – 12 deri në 15 orë
1 deri në 2 vjeç – 11 deri në 14 orë
3 deri në 5 vjeç- 10 deri në 13 orë
6 deri në 13 vjeç – 9 deri në 11 orë
14 deri në 17 vjeç -8 deri në 10 orë
18 deri në 25 vjeç – 7deri në 9 orë
26 deri në 64 vjeç – 7-9 orë
Të rriturit mbi 65 vjeç ose të moshuarit – 7 deri në 8 orë
Këshillohet të mos përdorni pije energjitike ose kafeinë për të qëndruar zgjuar. Edhe pse ato rrisin përqendrimin dhe energjinë ato mund të ndikojnë në gjumin tuaj për një afat të gjatë\