Lajme -

Presidenti Meta reagon ashpër: Arroganca dhe korrupsioni i qeverisë po largon shqiptarët, shpresa rikthehet vetëm me …

Pas publikimit të një raporti për numrin e azilantëve shqiptarë në Evropë, Presidenti i Republikës, Ilir Meta reagon ashpër, duke theksuar se Shqipëria nuk e meriton këtë renditje.

“Shqipëria nuk e meriton të renditet midis këtyre vendeve! Shqipëria meriton vetëm të ardhme europiane!“, shkruan Presidenti Meta në një postim të tijin në “Facebook”.
Sipas tij, hapi i parë për një rikthim në drejtimin e duhur është respektimi pikë për pikë marrëveshja e 5 qershorit si dhe të hapen listat 100%.

“Mjaft me Drejtimin e Gabuar të autoritarizmit, arrogancës, korrupsionit dhe marrëzisë”- apelon ai më tej.

Postimi i plotë i Presidentit Meta:

Shqipëria nuk e meriton të renditet midis këtyre vendeve!
Shqipëria meriton vetëm të ardhme europiane!

Mjaft me Drejtimin e Gabuar të autoritarizmit, arrogancës, korrupsionit dhe marrëzisë, që po i varfëron dhe po i lodh kaq shumë shqiptarët, duke i detyruar të largohen nga vendi.
Hapi i parë për rikthimin në Drejtimin e Duhur është respektimi pikë për pikë i Marrëveshjes së 5 Qershorit dhe mos devijimi prej saj as një milimetër.
Të rikthejmë shpresën duke rikthyer sovranitetin në duart e popullit, me hapjen e listave 100% dhe plotësimin e të gjitha kushteve të BE!

Burimi: Top-channel.tv

Leave a Reply

Your email address will not be published. Required fields are marked *