Prej mbrëmjes së djeshme, Klajdi, G-Bani, Gjesti dhe Rozana ndodhen në një dhomë të ndarë prej banorëve të tjerë të shtëpisë së “Big Brother VIP 4”.
Ata u dënuan nga Vëllai i Madh për shkak të prishjes së rregullave. Ditën e sotme Klajdi ka vendosur që të hapet me Rozanën, edhe pse me të ka patur debate mjaft të forta me të. Këngëtari i ka zbuluar një sekret banores, duke i thënë se ka qenë i dashuruar me këngëtaren e dashur për publikun, Elvana Gjata.
“Kam qenë i dashuruar me Elvana Gjatën, kam ndjerë për të kur kemi qenë tek Ethet, pasi qëndronim gjatë gjithë kohës në prova bashkë dhe këndonim bashkë”, ka thënë Klajdi.
Kujtojmë se Klajdi, Rozana, G-Bani dhe Gjesti janë në nominim dhe njëri prej tyre do të lërë përfundimisht shtëpinë e “Big Brother VIP 4” gjatë spektaklit të së shtunës.
Egla Ceno, fituesja e edicionit të tretë të “Big Brother VIP Albania”, ka ndarë mendimet e saj mbi lojën e Gjestit në edicionin aktual.
Ajo vlerëson aftësinë e tij për të ndezur dinamika mes banorëve dhe e konsideron këtë si një strategji të qëllimshme. Megjithatë, Egla shpreh edhe dyshimet e saj lidhur me këtë qasje.
Në një tjetër koment, Egla ka theksuar rëndësinë e trajtimit me dashuri dhe respekt në një marrëdhënie. Ajo ka kritikuar sjelljen e Gjestit duke e krahasur me atë të disa burrave që krijojnë iluzione dashurie pa pasur ndjenja të vërteta, duke i cilësuar këto veprime si të papranueshme për një burrë të pjekur.
Egla këshillon vajzat të qëndrojnë larg personave që i trajtojnë pa respekt dhe të mos bien pre e iluzioneve të rreme.
“Shembulli tipik i një mashkulli që as të kap, as të lëshon! Një burrë që të do të trajton me dashuri dhe respekt! Një burrë që nuk të do nuk të ndez iluzionin e dashurise! Po flas për burra jo për adoleshentë goca, larg këtyre që të trajtojnë si rreckë. Nëse Egli e kishte strategji, ia doli më së miri…por kam dyshimet e mia”, shkruan Egla në InstaStory.
Këto komente vijnë pas debateve të fundit në shtëpinë e “Big Brother VIP”, ku marrëdhënia mes Gjestit dhe Eglit ka qenë në qendër të vëmendjes.