Një aksident ka ndodhur në autostradën Lushnje-Fier, pranë zonës së Vajkanit.
Sipas informacioneve paraprake, rreth orës 19:10, një automjet i drejtuar nga shtetasja A.M., 25 vjeçe, ka përplasur një biçiklist, shtetasin T.K., 50 vjeç.
Si pasojë e përplasjes, shtetasi T.K. ka pësuar dëmtime dhe është transportuar në spital për ndihmë mjekësore.
Fatmirësisht, ai është jashtë rrezikut për jetën.
Policia dhe grupi hetimor janë në vendngjarje dhe po punojnë për të zbardhur rrethanat e aksidentit.